重新設計廣州地鐵路綫圖

近排又好興畫路線圖，諗過畫廢國倫敦，終不敵其過於複雜有機會畫到黐線。所以都係畫翻廣州算，官方宜家啲圖畫到成坺咁樣觀感極差，所以諗住不如用倫敦嘅設計畫廣州嘅線路圖都幾得戚。

於是就有咗啲咁嘅嘢。用倫敦設計咁當然要畫埋通勤火車先有feel，要唔係南部（講緊南沙吖，根德郡班友唔好自己認）啲抵死仔點返工？

記得之前見到啲唔知係謠傳定係眞嘢，香港黨鐵曾有要求話車站名唔可以超過三隻字。咁的確係易記易用好多，地名一般都係兩隻字，加翻方位東南西北都唔過三隻，所以實踐性嚟講都幾可行。咁一於呢張圖都限制三隻字喇！

本圖著作權遵循 CC-BY-NC-ND，閣下可以著我名摞去用，不過唔該唔好亂改亦都唔好走去賣，除非我啲十一負一咁分成。

呢篇文英文版會再多啲鳩噏，閣下可自行參閱。